معقول نسيتني كلمات الشاعر السيد علي القن

قصيدة غناىيه

       ((((معقول نسيتني ))))
معقول نسيتني
وعايزني امشي
معقول خلاص
احساسنا مات
وان اللي بينا
بقي ذكريات
ضيعت عمري
وسنين حياتي
وانا جنب منك
بادفي قلبك 
واراعي روحك
واسمع كلامك
و أسهر معاك
ادفي قلبك
واناجي روحك
وامسح جروحك 
واطمنك بالساعات
معقول خلاص
نسيت ده كله
ونسيت هواك
وبعت قلبي
ومعاه حاجات
أغلي كمان
م الذكريات 
بيني بينك
عمري اللي فات
 وياك سنين
 والا ساعات
وده أغلي عندي
من أي حاجه
ف الدنيا ديا
انا عشت فيها
وياك بروحي
و مشيت معاك
خطوه بخطوه
إيدي ف أيدك
ولقيت معاك 
حلمى ونصيبي
و بكلمه منك
جاي النهارده 
تقولي امشي
واشطب ده كله
وإنسي الليالي 
وإنسي عذابي
معاك سنين
حرام عليك 
عايزني امشي
رجعي لي عمري 
كله اللي فات 
رجع لي قلبي
و كل حكاياتي
والذكريات
خليني أعيش 
ف الدنيا وحدي
من غير حبيب
واحلم أكون 
لك نصيب
ونعيش حياتنا
مره تانيه 
ف دنيا تانيه
لا فيها 
كدب و لا خداع
ولا فيها لوم 
ولا عتاب 
معقول بجد
عايزني أمشي 
وقدرت تنسي 
عشقك وهمسك
وكل لمسه
بيني وبينك
وسنين هويتني
وسنين هويتك
معقول عايزني
بجد امشي
ما اقدرش اصدق 
ولا لحظه واحده
ولا حتي اسمح
 ياحبيبي تبعد
ف الدنيا عني

كلمات الشاعر / السيد علي القن