رجل مع ردة كلمات ياسين مصطفى بكري

** زَجَل مع رَدة ** زَجَل مع رَدة **

عُيون الحلوة رَموني من دون سلاح

يا رب تروق ظنوني وقلبي يرتاح

يا ماشي بدربي تمَهَل الدرب جراح

يمكن محبوبي ييجي طَل الاعصار

*********

إجَت لعنا زيارة ودقت عالعود

ما أحلاها من زيارة وَفَت لعهود

شفت الجوري ساكنها وساكن لخدود

وشفت خدودها مسكونة وبِطَلِع نار

**********

حَبَت روحي وحَبيتها فرِحت كثير

وقلبي مربوط بقَلبك احسن ما يطير

لاطلع عالبرج العالي بجنب الدير

قلبي من سنين اختارك بادي المشوار

**********

مأحلى عيونك سحروني زهر الياسمين

عيونك حلوة وبتجنن جبتيها منين

خدودك حمرا وردية حبات التين

وشعراتك لاحوا قبالي جنب الدوار

**********

طِلعَت عالنبعة تملي جَرِة المَي

شافتني جنب النبعة وامي والبي

صارت تمشي وتتمايل شوي شوي

إحتالَت عاقلبي بسرعة ونشدت اشعار

**********

ياما تمنيتك جنبي وبيوم العيد

جِبتِلك وردة حمرا وفُستان جديد

عملتي مع روحي موعد ولا مواعيد

لا تبوحي مرة بسرك او بالاسرار

**********

تحياتي...ياسين مصطفى بكري...