الحياة بفلسطين كلمات ياسين مصطفى بكري

***** الحياة بفلسطين *****

نزِلت السَهِل حاِمل مَعي لِبذار

أفلَح بأرضي وأرض أجدادي

كُنا انا وخَيي ولاد صغار

نِفلح أرضنا وكل جيراني

وكانوا اهلنا يعَلمونا الكار

حُب الارض مأحلاكِ يا بلادي

أتغزل بأرضي وأنظم الاشعار

فلسطين حلوة وروح لولادي

من فوقنا البلبل بنشد ومحتار

ونَسَم علينا الهوا من الوادي

مأحلى الجَبل والتَل والازهار

وزَيتونة خضرا بفيتها انا غافي

مأحلى الصَبية على ضفة الانهار

جديلة طويلة والعُنق عالي

والخَد جوري بلمع لمعة الاقمار

والوجه بدر الدجى بسهر قبالي

وبالصيف سهرة جميلة نحنا والزوار

ودبكة وظريف الطول وعاليادي

والشب جنب الصبية بتعكز الختيار

ويكون العشاء سخلات عالماشي

والفرحة تعم البلد وجوى الدار

وللفجر يلقى الفرح والقهوة عمراني

والناس كلها سعادة بليلها ونهار

ويا رب تبقى السعادة بكل اوطاني

...........

تحياتي...ياسين مصطفى بكري....