يا مصر مين زيك كلمات الشاعر السيد علي القن

قصيدة 

 (((( يامصر مين زيك ))))

يا مصر مين زيك
أرض الكنانة مصر
ابنك حمي  ارضك
ف كل وقت وعصر
روح  الشهامه فيه
روح البطوله فيه
مين ف البلاد زيه
منه مئات و الوف 
طوف ف   الحياه
هتشوف المصري
مين زي شال روحه 
ما يخافش من مخلوق
طول م الخالق موجود
 و سايبه ع ربه
لا م البارود بيخاف
ولا م المدافع خاف
دافع ع أرضه
حافظ ع عرضه
بيرد كل خسيس
 هكسوس ولا انجليز
أو حتي كانو اباليس 
وما خافش غير ربه
مشهود له ف التاريخ 
بيفوز ف كل ميدان 
المصري صلب عنيد
وقلبي اصله حديد
واقف ع الحدود
عينيه ع أرضه
وخايف ع بلده
وطنه بلاد العرب
من العراق للشام
لتونس الخضرا
أو م اليمن لعمان
أو حتي ف السودان 
أو ليبيا وفلسطين 
والدوحه والإمارات 
وجيبوتي موريتانيا 
بلد العرب بلدي 
شرف العرب شرفه
وعدوهم عدو له
يفديها وبدمه 
 ويموت فداها شهيد
وطن البطوله مصر 
أرض العروبه مصر 
ملاذ لكل للعرب
وقت المحن والنصر
يشهد عليها اكتوبر
حرب الكرامه لمصر
لما سطرنا  النصر  
رضينا فيه أرضنا 
والفرحة عمت مصر
وف كل ارض الوطن
قولنا اغاني النصر  
وفضل نرقص سوي
من الصباح  للعصر
ف كل شبر ف مصر 

يا مصر جيشك  عظيم 
جيش العرب ف المحن
عبر القنال و الشط 
و اه  لسه حارس حدوك  
و حارس تيجان  النصر 
من جده للمغرب
أو حتي ف لبنان
أو ف الجزائر كمان 
عمره ما يتأخر 
سابق ف كل ميدان
وسلاحه م الإيمان 
يكفي لكل زمان 
كلمات الشاعر / السيد علي القن