سرقتينا يا غربة كلمات محمد ابو الحسن

سرقتينا ياغربه
كلمات محمدأبوالحسن

      ،،،،،،،،،،،،،،،،،،،،،،،،،،
       ياغُربه خدتينى 
      من أهلى وناسى
   وضيعتى منى أحلى
             سنين
       ولخبطِّى كيانى 
     من ساسِى لراسِى
   وعشنا فيكِى ميتين
     سرقتى طموحى
           وأحلامى 
   ومررتى بمرك أيامى
 وسهرتينى بدمع العين
  حرمتينى من حبايبى
وصحابى وأهلى وناسى
   وكل الناس الطيبين
      نستينى الضحكه
           الصافيه
 واللمه والقاعده الدافيه
 وسيبتينى وحيد حزين
 والبصه فى وش أبويا
              وأمى
 والأكل الطازه بإيدأمى      
     وحبستينى مابين
            حيطين
 لاحد يقوللى خير مالك
 ولا حد يسأل إنت فين
  وليلى يعدى زى نهارى
       لامع الصاحيين      
          ولاالنايمين
وحكٍّمتى فياغُراب البٍين
 يأمُر وينهِى على راحته
        وكمان بيهين
    ومُحدٍث نعمه معاه
             قرشين
       جاهل مايعرف
        ص من سين
         فاكرنا عبيد
      مش بنى آدمين
عاوز يشترى ويبيع فينا
     ولالينا حد يحمينا
       مالناش غير رب
            العالمين
   ضيعتى علينا الدنيا
              ياغربه
وأخدتى منا أحلى سنين
 لاسببتينا نعيش حياتنا
 ولاقدرّتى عَرَق الجبين
محمدأبو الحسن